नानारत्नविचित्रभूषणकरी हेमाम्बराडम्बरी

मुक्त्ताहारविडम्बमानविलसद्वक्षोजकुम्भान्तरी।

काश्मीरागरुवासिताङ्गरुचिरे काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।।2।।

कैलासाचलकन्दरालयकरी गौरी ह्युमाशांकरी

कौमारी निगमार्थगोचरकरी ह्योंकारबीजाक्षरी।

मोक्षद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।।4।।

आदिक्षान्तसमस्तवर्णनकरी शंभुप्रिया शांकरी

काश्मीरत्रिपुरेश्वरी त्रिनयनी विश्वेश्वरी शर्वरी।

स्वर्गद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।।6।।

देवी सर्वविचित्ररत्नरचिता दाक्षायणी सुन्दरी

वामा स्वादुपयोधरा प्रियकरी सौभाग्यमाहेश्वरी।

भक्ताभीष्टकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।।8।।

क्षत्रत्राणकरी महाभयहरी माता कृपासागरी

सर्वानन्दकरी सदा शिवकरी विश्वेश्वरी श्रीधरी।

दक्षाक्रन्दकरी निरामयकरी काशीपुराधीश्वरी
भिक्षां देहि कृपावलम्बनकरी मातान्नपुर्णेश्वरी।।10।।